"Barselona" bosh murabbiyi Xavi Ernandesning ishi endi benuqson hisoblanmaydi.
La Liganing 13-turidan so‘ng "ko‘k-anorranglilar" peshqadam "Jirona"dan 4 ochko ortda qolib, uchinchi o‘rinda, shuningdek, bitta o‘yin kam o‘tkazgan "Atletiko"dan atigi ikki ochko oldinda. Chempionlar ligasi doirasidagi so‘nggi o‘yinda ham jamoa omadsizlikka uchradi va “Shaxtyor”ga imkoniyatni boy berdi (0:1). Jurnalist Adrian Sanchesning so‘zlariga ko‘ra, "Barselona" boshqaruvidagi ba’zi odamlar allaqachon Xavining qobiliyatiga shubha bilan qarashgan. Biroq, mutaxassisni klub prezidenti Joan Laporta qo‘llab-quvvatlasa, uni ishdan bo‘shatish xavfi yo‘q.
