"Барселона" бош мураббийи Хави Эрнандеснинг иши энди бенуқсон ҳисобланмайди.

Ла Лиганинг 13-туридан сўнг "кўк-анорранглилар" пешқадам "Жирона"дан 4 очко ортда қолиб, учинчи ўринда, шунингдек, битта ўйин кам ўтказган "Атлетико"дан атиги икки очко олдинда. Чемпионлар лигаси доирасидаги сўнгги ўйинда ҳам жамоа омадсизликка учради ва “Шахтёр”га имкониятни бой берди (0:1). Журналист Адриан Санчеснинг сўзларига кўра, "Барселона" бошқарувидаги баъзи одамлар аллақачон Хавининг қобилиятига шубҳа билан қарашган. Бироқ, мутахассисни клуб президенти Жоан Лапорта қўллаб-қувватласа, уни ишдан бўшатиш хавфи йўқ.