Ispaniya terma jamoasi bosh murabbiyi Luis de la Fuente jamoaning Germaniyada bo‘lib o‘tadigan Yevropa chempionatidagi maqsadlari haqidagi savolga javob berdi.

"Biz turnirda g‘alaba uchun kurashishga tayyormiz", - dedi murabbiy Diario As bilan suhbatda.

Ispaniya terma jamoasi ayni damda 2024 yilgi Yevropa chempionati saralash bosqichida olti o‘yindan 15 ochko jamg‘argan holda o‘z guruhida birinchi o‘rinni egallab turibdi. Ispanlardan keyin Shotlandiya (15 ochko), Norvegiya (10), Gruziya (7) va Kipr (0) terma jamoalari joylashgan. Yevro-2024 kelasi yilning yozida 14 iyundan 14 iyulgacha bo‘lib o‘tadi.

Eslatib o‘tamiz, so‘nggi Yevropa chempionatida Ispaniya yarim finalga qadar yetib borgan va unda Italiyaga imkoniyatni boy bergandi.