Испания терма жамоаси бош мураббийи Луис де ла Фуэнте жамоанинг Германияда бўлиб ўтадиган Европа чемпионатидаги мақсадлари ҳақидаги саволга жавоб берди.

"Биз турнирда ғалаба учун курашишга тайёрмиз", - деди мураббий Diario As билан суҳбатда.

Испания терма жамоаси айни дамда 2024 йилги Европа чемпионати саралаш босқичида олти ўйиндан 15 очко жамғарган ҳолда ўз гуруҳида биринчи ўринни эгаллаб турибди. Испанлардан кейин Шотландия (15 очко), Норвегия (10), Грузия (7) ва Кипр (0) терма жамоалари жойлашган. Евро-2024 келаси йилнинг ёзида 14 июндан 14 июлгача бўлиб ўтади.

Эслатиб ўтамиз, сўнгги Европа чемпионатида Испания ярим финалга қадар етиб борган ва унда Италияга имкониятни бой берганди.