"Real Madrid" bosh murabbiyi Karlo Anchelotti o‘zining futboldagi yangi tendensiyalarga moslashishi, shuningdek, murabbiylik qilayotgan klubining buyukligi haqida gapirdi.
"Futbol o‘zgardi, o‘zgarmoqda va o‘zgaradi - intensivlik, qoidalar, mashg‘ulotlar va metodologiya. Bu 90-yillardagidan farqli sport turi. Futbolchilar avvalgidan ko‘ra professionalroq. 30 yillik futboldan so‘ng men yangi voqelikka yaxshi moslashayapman.
Bu klubda ishlayotganlar o‘zimizni bir katta oilada yashayotgandek his qilishadi. Bu muxlislarning katta mehrida namoyon bo‘ladi.
Oilaviy muhitda ishlash natijalarga erishishga va eng yaxshi fazilatlaringizni ochib berishga yordam beradi. Bu eng katta tarixga ega dunyodagi eng katta klub. Klubda oilaviy muhit hukm surayotganini ta’kidlayman”, – dedi Anchelotti matbuot anjumanida.