"Manchester Siti" va Norvegiya terma jamoasi hujumchisi Erling Xoland 2023 yilda " Golden Player Man" mukofotini oladi. Bu haqda taniqli jurnalist Fabrisio Romano ijtimoiy tarmoqlarda yozadi.
Qayd etilishicha, Xoland Lotar Matteus, Xristo Stoichkov, Andrey Shevchenko, Xuan Sebastyan Veron, Pavel Nedved va Sesk Fabregasdan iborat afsonalar kengashining ovoz berish natijalariga ko‘ra g‘olib bo‘lgan.
2023 yilda Erling Xoland “Manchester Siti” bilan treblga erishdi. Pep Gvardiola jamoasi Premyer-liga, Angliya kubogi va Chempionlar ligasida g‘olib chiqdi.
Eslatib o‘tamiz, Xoland “Borussiya Dortmund”dan 2022 yilning yozida “Manchester Siti”ga o‘tgandi.