Irlandiya terma jamoasi va "Brayton" hujumchisi Evan Fergyuson Londonning "Chelsi" klubining transfer maqsadi hisoblanadi.
"Aristokratlar" rahbariyati 19 yoshli futbolchining iqtidorini yuqori baholaydi va yaqin orada uning transferini rasmiylashtirmoqchi. Shu bilan birga, "Brayton" futbolchi uchun katta miqdorda tovon puli so‘raydi. Avvalroq matbuotda bu summa 114 million yevro bo‘lishi haqida xabar berilgandi.
Joriy mavsumda Fergyuson “chaykalar” safida 18 ta o‘yin o‘tkazib, 5 ta gol urgan. Hujumchining ingliz klubi bilan amaldagi shartnomasi 2029 yilning o‘rtalariga qadar tuzilgan.
