Ирландия терма жамоаси ва "Брайтон" ҳужумчиси Эван Фергюсон Лондоннинг "Челси" клубининг трансфер мақсади ҳисобланади.
"Аристократлар" раҳбарияти 19 ёшли футболчининг иқтидорини юқори баҳолайди ва яқин орада унинг трансферини расмийлаштирмоқчи. Шу билан бирга, "Брайтон" футболчи учун катта миқдорда товон пули сўрайди. Аввалроқ матбуотда бу сумма 114 миллион евро бўлиши ҳақида хабар берилганди.
Жорий мавсумда Фергюсон “чайкалар” сафида 18 та ўйин ўтказиб, 5 та гол урган. Ҳужумчининг инглиз клуби билан амалдаги шартномаси 2029 йилнинг ўрталарига қадар тузилган.
