Portugaliya terma jamoasi Yevro-2024 saralash bosqichidagi barcha o‘yinlarda g‘alaba qozondi.
Roberto Martines boshchiligidagi jamoa Islandiya termasini mag‘lub etdi (2:0).
Yevro-2024 saralashida Portugaliya guruh bosqichidagi 10 ta o‘yinning barchasida g‘alaba qozonib, 36 ta gol urdi va atigi 2 marta o‘z darvozasidan o‘tkazib yubordi.
Krishtianu Ronaldu ushbu saralash bosqichida 10 ta gol urdi va to‘purarlar ro‘yxatida 14 ta golga ega bo‘lgan Romelu Lukakudan ortda qolib, 2-o‘rinni egallab turibdi.
Portugaliyadan tashqari barcha saralash o‘yinlarida g‘alaba qozona oladigan yagona jamoa bu Fransiya termasi. 21 noyabr kuni saralashning 7 ta uchrashuvida 7 ta g‘alabaga erishgan Didye Desham shogirdlari so‘nggi o‘yinini Gresiya terma jamoasiga qarshi o‘tkazadi.
