Португалия терма жамоаси Евро-2024 саралаш босқичидаги барча ўйинларда ғалаба қозонди.

Роберто Мартинес бошчилигидаги жамоа Исландия термасини мағлуб этди (2:0).

Евро-2024 саралашида Португалия гуруҳ босқичидаги 10 та ўйиннинг барчасида ғалаба қозониб, 36 та гол урди ва атиги 2 марта ўз дарвозасидан ўтказиб юборди.

Криштиану Роналду ушбу саралаш босқичида 10 та гол урди ва тўпурарлар рўйхатида 14 та голга эга бўлган Ромелу Лукакудан ортда қолиб, 2-ўринни эгаллаб турибди.

Португалиядан ташқари барча саралаш ўйинларида ғалаба қозона оладиган ягона жамоа бу Франция термаси. 21 ноябрь куни саралашнинг 7 та учрашувида 7 та ғалабага эришган Дидье Дешам шогирдлари сўнгги ўйинини Греция терма жамоасига қарши ўтказади.