«Barselona» Chempionlar Ligasi guruh bosqichi 4-turida «Shaxtyor»dan yengildi, jamoaning polshalik hujumchisi Robert Levandovski esa klub libosida qatorasiga 6-o‘yinda gol urolmadi. Chinakam «quruq» seriya.
«Barselona»ning Ukraina klubiga imkoniyatni boy bergani o‘z yo‘liga, aytish kerak, bu mag‘lubiyat Kataloniya klubining turnirdagi istiqboliga jiddiy ta’sir ko‘rsatmasa kerak. Biroq Robert Levandovskining golsiz seriyasi 6ta o‘yinga yetgani ijtimoiy tarmoqlarning asosiy mavzusiga aylandi-qo‘ydi. Zero, polshalik hujumchi Dortmund «Borussiya»sida o‘ynagan davridan buyon bunday «quruq» davrni boshdan kechirgan emasdi. Aniqroq aytsak, Levagol 2010 yil dekabr - 2011 yil fevral oralig‘ida klub libosida qatorasiga 10ta o‘yinni samarasiz yakunlagandi.
Asosiy masalaga ko‘chsak, «Barselona» muxlislari Robertdan shunchalik norozi edilarki, uni hattoki, daraxtga qiyoslashdi. Boz ustiga, shunda ham ustunlik daraxt tomonida. Qo‘pol hazil, juda qo‘pol. Balki hazil ham emasdir, derdik, agarda... agarda La Liga 13-tur doirasidagi «Alaves»ga qarshi bahs- (2:1)ni «dubl»i evaziga qutqarib qolmaganida. Ha, Levagol qaytdi, uning gollari tufayli jamoasi muhim ochkolarni qo‘lga kiritdi. Balki, unga shu qo‘pol hazil ta’sir qilgandir...
DARAXT:
- YUGURMAYDI
- ALDAB O‘TMAYDI
- GOL UROLMAYDI
- TO‘P UZATSANGIZ, O‘ZINGIZGA QAYTARADI
LEVAGOL:
- YUGURMAYDI
- ALDAB O‘TMAYDI
- GOL UROLMAYDI
- TO‘P UZATSANGIZ, QAYTARMAYDI.
