"Nasaf" Superliganing 25-turida Jizzaxning "So‘g‘diyona" jamoasini qabul qiladi. "So‘g‘diyona" bilan bo‘lib o‘tishi belgilangan uchrashuv 23 noyabr kuni soat 18:15 da boshlanadi.
Jamoalar O‘zbekiston chempionatida shu vaqtga qadar 47 bor kuch sinashishgan. Bo‘lib o‘tgan 35 uchrashuvda “ajdarlar”, 8 o‘yinda esa jizzaxliklar zafar quchishgan. 4 uchrashuvda esa durang natija qayd etilgan. To‘plar nisbati 97:40ga teng. Ustunlik qarshiliklar tarafida.
O‘zaro uchrashuvlarda qayd etilgan eng yirik hisoblar quyidagicha: “Nasaf“ – “So‘g‘diyona” 4:0, “So‘g‘diyona” – “Nasaf” 3:1.
Jamoalar so‘nggi o‘zaro uchrashuvni 2023 yil 28 may kuni Jizzaxda o‘tkazishgan. Bu uchrashuvda 1:2 hisobida "Nasaf" g‘alaba qozongan.
E’tiboringizga, Qarshida bo‘lib o‘tgan so‘nggi besh bellashuv natijalarini havola etamiz:
09.10.2022 "Nasaf" — "So‘g‘diyona" 1:1
04.07.2021 "Nasaf" — "So‘g‘diyona" 1:0
17.08.2020 "Nasaf" — "So‘g‘diyona" 3:0
31.03.2019 "Nasaf" — "So‘g‘diyona" 3:1
23.10.2018 "Nasaf" — "So‘g‘diyona" 3:0.
