"Napoli" vingeri Xvicha Kvarasxeliya yaqin orada klub bilan shartnomasini uzaytirishi kerak, deya xabar beradi insayder Nikolo Skira.

Yangi kelishuv 2028 yilgacha amal qiladi va 2029 yilgacha uzaytirish imkoniyati haqidagi bandni o‘z ichiga olishi mumkin. Ushbu shartnomaga ko‘ra, futbolchi yiliga 4 million yevro maosh oladi.

Klub va futbolchi o‘rtasidagi muzokaralar hamon davom etmoqda.

Kvarasxeliya 2022 yilning yozida 13,3 million yevro evaziga Batumining "Dinamo" jamoasidan "Napoli"ga o‘tgan edi. Uning klub bilan amaldagi shartnomasi 2027 yilning 30 iyuniga qadar amal qiladi.

Transfermarkt portali uni 85 million yevroga baholamoqda.

Xvicha joriy mavsum “Napoli” safida 15 ta o‘yinda maydonga tushib, 3 ta gol va 4 ta golli uzatmani amalga oshirdi.