"Наполи" вингери Хвича Кварацхелия яқин орада клуб билан шартномасини узайтириши керак, дея хабар беради инсайдер Николо Скира.
Янги келишув 2028 йилгача амал қилади ва 2029 йилгача узайтириш имконияти ҳақидаги бандни ўз ичига олиши мумкин. Ушбу шартномага кўра, футболчи йилига 4 миллион евро маош олади.
Клуб ва футболчи ўртасидаги музокаралар ҳамон давом этмоқда.
Кварацхелия 2022 йилнинг ёзида 13,3 миллион евро эвазига Батумининг "Динамо" жамоасидан "Наполи"га ўтган эди. Унинг клуб билан амалдаги шартномаси 2027 йилнинг 30 июнига қадар амал қилади.
Трансфермаркт портали уни 85 миллион еврога баҳоламоқда.
Хвича жорий мавсум “Наполи” сафида 15 та ўйинда майдонга тушиб, 3 та гол ва 4 та голли узатмани амалга оширди.
