JCH-2026 hamda Osiyo kubogi-2027 qo‘shma saralashi, 2-bosqich saralashi doirasida O‘zbekiston hamda Eron bahsi o‘z nihoyasiga yetdi. 

Uchrashuvdan so‘ng tashkil qilingan mabuot anjumanida eronliklar bosh murabbiyi Amir G‘alinoiy ishirok etdi hamda o‘z fikrlari bilan o‘rtoqlashdi. 

«Avvalo O‘zbekiston milliy terma jamoasini JCH saralash bosqichida ishtirok etayotgani bilan tabriklayman. Bugungi raqibimizni keyingi o‘yinlarida omad tilab qolaman.

Bugungi bahs chiroyli va sifatli bo‘ldi. Bizning futbolchilar faqat birinchi bo‘limda o‘ynashdi, ular uchun ikkinchi bo‘lim tugagandi. O‘zbekiston esa ikkinchi taymda juda ham matonatli o‘yin namoyish etib, ikkita gol urdi. Shogirdlarim esa maydona faqat yurdi. O‘zbekiston esa sidqidildan to‘p tepdi. Yana bir marta ta’kidlab o‘taman, juda ham sifatli bahs bo‘ldi. Muxlislar bugun o‘yindan zavq olishdi. Tomoshabop o‘yin bo‘ldi. Bugungi uchrashuv biz uchun katta saboq bo‘ldi. Futbol bu hayot. O‘yinchilar avval mashg‘ulotda ishtirok etishadi, o‘yindan esa dars olishadi. Futbol shunday o‘yinki, uni yurakdan o‘ynash kerak. Aks holda mag‘lub bo‘lasan.

Ikkinchi marta terma jamoani boshqarish baxti menga nasib etdi. Har ikki jamoa o‘ziga yarasha kuchli, har ikki jamoa tarkibida kuchli o‘yinchilar bor. 

Karlush Keyrush kuchli mutaxassis. U Eron futboliga katta hissa qo‘shgan. Men futbol sohasida 22 yildan beri shug‘ullanib kelyapman. Bu Keyrushning loyihasimi degan savolga javob bera olmayman. Falsafamiz hujumkor futbol. 2 marta terma jamoani boshqarganman. Osiyo chempioni bo‘lganman. Futbolchi bo‘lganimda ham to‘purarlik borasida katta raqobatni yuzaga keltirganman. Hozirgi resurslardan maksimal foydalanishga harakat qilamiz. Bugungi o‘yin uchun futbolchilarga rahmat. Murabbiylik davrimni boshlaganimdan beri ular sifatli o‘ynashyapti. Biroq bugungi bahsda g‘alabaga umid qilgandim. Afsus, o‘z rekordli seriyam shu yerga kelganda to‘xab qoldi», – dedi murabbiy.