ЖЧ-2026 ҳамда Осиё кубоги-2027 қўшма саралаши, 2-босқич саралаши доирасида Ўзбекистон ҳамда Эрон баҳси ўз ниҳоясига етди. 

Учрашувдан сўнг ташкил қилинган мабуот анжуманида эронликлар бош мураббийи Амир Ғалиноий иширок этди ҳамда ўз фикрлари билан ўртоқлашди. 

«Аввало Ўзбекистон миллий терма жамоасини ЖЧ саралаш босқичида иштирок этаётгани билан табриклайман. Бугунги рақибимизни кейинги ўйинларида омад тилаб қоламан.

Бугунги баҳс чиройли ва сифатли бўлди. Бизнинг футболчилар фақат биринчи бўлимда ўйнашди, улар учун иккинчи бўлим тугаганди. Ўзбекистон эса иккинчи таймда жуда ҳам матонатли ўйин намойиш этиб, иккита гол урди. Шогирдларим эса майдонда фақат юрди. Ўзбекистон эса сидқидилдан тўп тепди. Яна бир марта таъкидлаб ўтаман, жуда ҳам сифатли баҳс бўлди. Мухлислар бугун ўйиндан завқ олишди. Томошабоп ўйин бўлди. Бугунги учрашув биз учун катта сабоқ бўлди. Футбол бу ҳаёт. Ўйинчилар аввал машғулотда иштирок этишади, ўйиндан эса дарс олишади. Футбол шундай ўйинки, уни юракдан ўйнаш керак. Акс ҳолда мағлуб бўласан.

Иккинчи марта терма жамоани бошқариш бахти менга насиб этди. Ҳар икки жамоа ўзига яраша кучли, ҳар икки жамоа таркибида кучли ўйинчилар бор. 

Карлуш Кейруш кучли мутахассис. У Эрон футболига катта ҳисса қўшган. Мен футбол соҳасида 22 йилдан бери шуғулланиб келяпман. Бу Кейрушнинг лойиҳасими деган саволга жавоб бера олмайман. Фалсафамиз ҳужумкор футбол. 2 марта терма жамоани бошқарганман. Осиё чемпиони бўлганман. Футболчи бўлганимда ҳам тўпурарлик борасида катта рақобатни юзага келтирганман. Ҳозирги ресурслардан максимал фойдаланишга ҳаракат қиламиз. Бугунги ўйин учун футболчиларга раҳмат. Мураббийлик давримни бошлаганимдан бери улар сифатли ўйнашяпти. Бироқ бугунги баҳсда ғалабага умид қилгандим. Афсус, ўз рекордли сериям шу ерга келганда тўхаб қолди», – деди мураббий.