La Liga prezidenti Xavyer Tebas Italiya chempionati haqida gapirdi.

"Italiyada katta moliyaviy feyr-pley muammosi mavjud. Katta musobaqada qatnashish uchun iqtisodiy jihatdan barqaror bo‘lish kerak, ammo shunday prezidentlar borki, o‘z klublariga pul sarflashda davom etaveradi. Rivojlanish, infratuzilmaga, masalan, stadionlarga sarmoya kiritish rejasi yo‘q. Agar kimdir Premyer-ligaga yaqinlasha olsa, bu A Seriya, u yerda aholi jon boshiga daromad, televideniye va sport juda yuqori bo‘ladi", - dedi Tebas Marca bilan suhbatda.

12-turdan keyin “Inter” 31 ochko bilan A Seriyada peshqadamlik qilmoqda. Ikkinchi o‘rinda "Yuventus" (29 ochko), "Milan" kuchli uchlikni yakunlab turibdi (23 ochko).

2022/2023 yilgi mavsumda "Yuventus" lisenziyalash va moliyaviy feyr-pley qoidalarini buzganlikda: o‘yinchilarning transfer qiymatini oshirib yuborishda, xodimlarning xarajatlarini kam ko‘rsatishda va o‘yinchilarning haqiqiy daromadlarini yashirishda ayblangan. Jarayon natijasida chempionatdagi 15 ochko jamoadan olib tashlandi.