Ла Лига президенти Хавьер Тебас Италия чемпионати ҳақида гапирди.

"Италияда катта молиявий фэйр-плей муаммоси мавжуд. Катта мусобақада қатнашиш учун иқтисодий жиҳатдан барқарор бўлиш керак, аммо шундай президентлар борки, ўз клубларига пул сарфлашда давом этаверади. Ривожланиш, инфратузилмага, масалан, стадионларга сармоя киритиш режаси йўқ. Агар кимдир Премьер-лигага яқинлаша олса, бу А Серия, у ерда аҳоли жон бошига даромад, телевидение ва спорт жуда юқори бўлади", - деди Тебас Marca билан суҳбатда.

12-турдан кейин “Интер” 31 очко билан А Серияда пешқадамлик қилмоқда. Иккинчи ўринда "Ювентус" (29 очко), "Милан" кучли учликни якунлаб турибди (23 очко).

2022/2023 йилги мавсумда "Ювентус" лицензиялаш ва молиявий фэйр-плей қоидаларини бузганликда: ўйинчиларнинг трансфер қийматини ошириб юборишда, ходимларнинг харажатларини кам кўрсатишда ва ўйинчиларнинг ҳақиқий даромадларини яширишда айбланган. Жараён натижасида чемпионатдаги 15 очко жамоадан олиб ташланди.