"Tottenxem" Premyer-ligadagi ochkolarini olib tashlash ko‘rinishidagi sanksiyalarga duchor bo‘lishi mumkin, deb xabar bermoqda The Times.

Manbaning xabariga ko‘ra, London klubining transfer faoliyati bo‘yicha tekshiruv o‘tkazdi va Jermeyn Defoning 2008 yilda "Portsmut"dan transferini ko‘rib chiqishda qoidabuzarlik aniqlangan.

Qayd etilishicha, "Tottenxem" transferni yakunlagach, agentlik faoliyatini amalga oshirish uchun lisenziyaga ega bo‘lmagan agent Mitchell Tomas xizmatiga murojaat qilgan.

Klub raisi Daniel Levi "Tottenxem" nomidan ish olib borish uchun lisenziyalangan agent Styuart Pitersning xizmatlarini kafolatladi, biroq FA qoidalari talab qiladigan vakillik shartnomasi yo‘q edi. Levi 7,5 million funt sterlinglik transferdagi roli uchun Pitersga taxminan 1 million funt to‘lashga rozi bo‘lgan.

Ushbu qoidabuzarlik "Tottenxem"ga qarshi jiddiy sanksiyalarni olib kelishi mumkin. Klubga transfer taqiqi, ochkolar olib qo‘yilishi yoki hatto quyi ligaga tushirib yuborilishi mumkin. Bitim ishtirokchilari esa ogohlantirishdan futboldan chetlatishgacha bo‘lgan sanksiyalarga duchor bo‘lishi mumkin.

Xuddi shu 2008 yilda "Luton Taun" agent qoidalarini buzgani uchun jazolandi, undan 10 ochko olib tashlangandi.

FA, agar 2010 yilda o‘tkazilgan tergovdan keyin "qo‘shimcha ma’lumot" mavjud bo‘lsa, ish ko‘rib chiqilishini aytdi.