Ertaga, 26 noyabr kuni Madridning “Real” klubi Ispaniya chempionatining 14-turi doirasida “Kadis”ga qarshi maydonga tushadi.

Madrid Xtra nashri xabariga ko‘ra, jarohatidan tiklanishda davom etayotgan 7 nafar futbolchi bo‘lajak o‘yinda "Real"ga yordam bera olmaydi. Hozirda "qaymoqranglilar" kasalxonasida Kurtua, Kepa, Militao, Kamavinga, Tchuameni, Gyuler va Vinisius bor. Eslatib o‘tamiz, “Real”ning ikki nafar darvozaboni jarohat olgan.

13-turdan keyin "Real" 32 ochko bilan La Liga turnir jadvalida ikkinchi o‘rinda bormoqda.

“Kadis” – “Real” uchrashuvi 26 noyabr kuni bo‘lib o‘tadi va Toshkent vaqti bilan soat 22:30da boshlanadi.