Эртага, 26 ноябрь куни Мадриднинг “Реал” клуби Испания чемпионатининг 14-тури доирасида “Кадис”га қарши майдонга тушади.
Madrid Xtra нашри хабарига кўра, жароҳатидан тикланишда давом этаётган 7 нафар футболчи бўлажак ўйинда "Реал"га ёрдам бера олмайди. Ҳозирда "қаймоқранглилар" касалхонасида Куртуа, Кепа, Милитао, Камавинга, Тчуамени, Гюлер ва Винисиус бор. Эслатиб ўтамиз, “Реал”нинг икки нафар дарвозабони жароҳат олган.
13-турдан кейин "Реал" 32 очко билан Ла Лига турнир жадвалида иккинчи ўринда бормоқда.
“Кадис” – “Реал” учрашуви 26 ноябрь куни бўлиб ўтади ва Тошкент вақти билан соат 22:30да бошланади.