"Manchester Yunayted" bosh murabbiyi Erik ten Xag Angliya chempionatining 13-turi doirasidagi "Everton"ga qarshi o‘yinda jamoasining yirik hisobdagi g‘alabasi haqida fikr bildirdi. Uchrashuv Liverpuldagi “Gudison Park” stadionida bo‘lib o‘tdi va mehmonlarning 3:0 hisobidagi g‘alabasi bilan yakunlandi.

"O‘yinni shunday boshlaganimizdan keyin biz juda xotirjam, juda qulay edik va tanaffusda jamoani tanqid qildim, chunki ular biz allaqachon g‘alaba qozondik deb o‘ylashdi. Siz buni qila olmaysiz. O‘yin 95 daqiqa davom etadi, undan ham ko‘proq. Menimcha, jarohatlar tufayli olti daqiqadan ikki marta ko‘proq bor edi. Demak, biz 100 daqiqa maydonda bo‘lishimiz, to‘pga ega bo‘lish va undan tashqarida faol bo‘lishimiz kerak. Har doim", - dedi ten Xag klub rasmiy saytiga.

13-turdan so‘ng "Manchester Yunayted" 24 ochko bilan APL turnir jadvalida oltinchi o‘rinda bormoqda.