"Vulverxempton"ning chap qanot himoyachisi Rayan Ait-Nuri "PSJ"ning qiziqishlari ro‘yxatida.
Parijliklar avvalroq xabar qilinganidek, yanvar oyida himoyaning chap tomonini kuchaytirish niyatida. "PSJ" sport direktori Luish Kampush Ait-Nurini qishki transfer oynasidagi asosiy maqsad sifatida belgiladi, deya xabar beradi "SportsZone". Kelishuvni yakunlash uchun Liga 1 giganti jazoirlikning agenti Jorje Mendeshni ishontirishi kerak - agent mijozi parijliklar safida doimiy o‘yin amaliyotiga ega bo‘lishiga ishonchi komil emas.
Rayan Ait-Nuri joriy mavsum “bo‘rilar” safida 14 ta o‘yinda maydonga tushdi. Transfermarkt ma’lumotlariga ko‘ra, 22 yoshli futbolchining narxi 25 million yevroni tashkil qiladi.