"Вулверхэмптон"нинг чап қанот ҳимоячиси Райан Аит-Нури "ПСЖ"нинг қизиқишлари рўйхатида.
Парижликлар аввалроқ хабар қилинганидек, январь ойида ҳимоянинг чап томонини кучайтириш ниятида. "ПСЖ" спорт директори Луиш Кампуш Аит-Нурини қишки трансфер ойнасидаги асосий мақсад сифатида белгилади, дея хабар беради "SportsZone". Келишувни якунлаш учун Лига 1 гиганти жазоирликнинг агенти Жорже Мендешни ишонтириши керак - агент мижози парижликлар сафида доимий ўйин амалиётига эга бўлишига ишончи комил эмас.
Райан Аит-Нури жорий мавсум “бўрилар” сафида 14 та ўйинда майдонга тушди. Transfermarkt маълумотларига кўра, 22 ёшли футболчининг нархи 25 миллион еврони ташкил қилади.