Madridning "Atletiko" klubi himoyachisi Sezar Aspilikueta bosh murabbiy Diyego Simeonening talablari haqida gapirdi. Eslatib o‘tamiz, ispaniyalik futbolchi shu yozdan boshlab "matraschilar" safida o‘ynamoqda va "Chelsi"dan erkin agent sifatida kelib qo‘shilgan edi.

"Simeone har kuni o‘z futbolchilaridan ko‘p narsani talab qiladi. U har bir mashg‘ulotda barqarorlikni ko‘rishni istaydi. Menga bu yondashuv yoqadi, chunki siz hafta bo‘yi chala mashq qilib, dam olish kunida maydonga chiqib, yaxshi o‘yin ko‘rsata olmaysiz. Mashg‘ulotlar paytida ham xuddi o‘yindagidek bor kuchingizni berishingiz kerak", - dedi Aspilikueta Marca nashriga.