Kataloniyaning «Barselona» klubi himoyachisi Joau Kanselu Chempionlar ligasi guruh bosqichi 5-turi doirasida bo‘lib o‘tadigan «Portu»ga qarshi o‘yin haqida umidlari bilan o‘rtoqlashdi.
O‘z maydonidagi g‘alaba «ko‘k-anorranglilar»ning pley-offga yo‘l olishini kafolatlaydi.
«Portu» bizga birinchi o‘yinda juda ko‘p muammolarni keltirib chiqardi, ular juda tajovuzkor jamoa, ammo biz raqibga o‘z o‘yin uslubimizni o‘tkazishga harakat qilamiz.
«Portu» bilan o‘yinni final deb hisoblayman. Biz «Shaxtyor» bilan o‘yindayoq muammoni hal qilishimiz kerak edi, ammo uddasidan chiqa olmadik. «Portu» bilan o‘yinga hal qiluvchi bahs sifatida yondashamiz», - dedi Kanselu matbuot anjumanida.
