Parijliklarning ayrim futbolchilari Lionel Messi va Neymar bilan bir jamoada o‘ynashni noqulay his qilishdi.

PSG Community nashrining ijtimoiy tarmoqlarda xabar berishicha, ko‘pchilik parijlik futbolchilar Neymar va Messi klubni tark etganidan xursand bo‘lishgan.

31 yoshli Neymar "PSJ"da olti mavsum o‘tkazib, besh marta Fransiya chempionligini qo‘lga kiritdi. 2023 yilning yozida braziliyalik futbolchi Saudiyaning "Al-Hilol" klubi bilan ikki yillik shartnoma imzolagan bo‘lib, unga ko‘ra u jami 300 million yevro oladi.

Messi 2023 yilning yozida erkin agent sifatida “Inter Mayami”ga o‘tgan edi. Futbolchining "Inter Mayami" bilan shartnomasi 2025 yilgacha mo‘ljallangan. O‘tgan mavsumda argentinalik futbolchi Amerika klubi safida 14 ta o‘yin o‘tkazib, 11 ta gol va 5 ta golli uzatmaga mualliflik qilgan. Futbolchi "Inter Mayami" bilan Liga kubogini qo‘lga kiritdi.