"Bavariya" bosh murabbiyi Tomas Tuxel yarim himoyachi Konrad Laymer jamoa uchun qanchalik muhim ekanligi haqida gapirdi.
Eslatib o‘tamiz, avstriyalik futbolchi o‘tgan yozda "RB Leypsig"dan erkin agent sifatida "Bavariya"ga o‘tgandi.
“Laymerning o‘yinlariga qarab, uning biz uchun qanchalik muhimligini ko‘rish mumkin. U har doim o‘ynashni va jamoaga xizmat qilishni xohlaydi.
Konrad qaysi pozisiyada o‘ynamasin, har doim jamoa uchun borini beradi. Buni u bilan shartnoma imzolaganimizda bilgandik.
U himoya qanotida ko‘plab yaxshi o‘yinlar o‘tkazdi. Biz Laymer borligidan xursandmiz», dedi Tuxel matbuot anjumanida.
