"Бавария" бош мураббийи Томас Тухель ярим ҳимоячи Конрад Лаймер жамоа учун қанчалик муҳим эканлиги ҳақида гапирди.
Эслатиб ўтамиз, австриялик футболчи ўтган ёзда "РБ Лейпциг"дан эркин агент сифатида "Бавария"га ўтганди.
“Лаймернинг ўйинларига қараб, унинг биз учун қанчалик муҳимлигини кўриш мумкин. У ҳар доим ўйнашни ва жамоага хизмат қилишни хоҳлайди.
Конрад қайси позицияда ўйнамасин, ҳар доим жамоа учун борини беради. Буни у билан шартнома имзолаганимизда билгандик.
У ҳимоя қанотида кўплаб яхши ўйинлар ўтказди. Биз Лаймер борлигидан хурсандмиз», деди Тухель матбуот анжуманида.
