Myunxenning “Bavariya” klubi sport direktori Kristof Froynd jamoaning ikki darvozaboni – Manuel Noyer va Sven Ulrayx bilan shartnomani uzaytirish haqida fikr bildirdi. Ikkala futbolchi ham klubda 2025 yilning yoziga qadar qoladi.

"Biz Noyer va Ulrayx joriy mavsum yakuniga qadar biz bilan qolishlaridan juda xursandmiz. Manuel bizning sardorimiz va ko‘p yillar davomida dunyoning eng yaxshi darvozaboni bo‘lib kelmoqda. So‘nggi oylarda Sven ham o‘zining yuqori saviyasini ko‘rsatdi", - dedi Froynd myunxenliklar rasmiy saytiga.

12 turdan keyin "Bavariya" 32 ochko bilan Germaniya chempionati turnir jadvalida ikkinchi o‘rinda bormoqda. Peshqadam “Bayer” 34 ochkoga ega.