Yarim himoyachi Rodrigo Bentankur "Tottenxem"ning "Aston Villa"ga qarshi o‘yinida almashtirildi. Urugvaylik futbolchining jarohati jiddiy emasligi ma’lum qilingandi, ammo hozir butunlay boshqacha ma’lumotlar paydo bo‘ldi.
Uruguayning DSports nashri xabariga ko‘ra, Bentankur to‘pig‘idagi bog‘lamni yirtgan. 26 yoshli futbolchining tiklanishi uchun taxminan ikki yarim oy vaqt kerak bo‘ladi. Rodrigoning maydonga qaytishi fevral oyi o‘rtalarida kutilmoqda.
Ayni paytda "Tottenxem" Angliya Premyer-ligasi turnir jadvalida beshinchi o‘rinda bormoqda. Jamoa chempionatdagi so‘nggi uchta o‘yinida mag‘lub bo‘ldi.
