Ярим ҳимоячи Родриго Бентанкур "Тоттенхэм"нинг "Астон Вилла"га қарши ўйинида алмаштирилди. Уругвайлик футболчининг жароҳати жиддий эмаслиги маълум қилинганди, аммо ҳозир бутунлай бошқача маълумотлар пайдо бўлди.
Уругуайнинг DSports нашри хабарига кўра, Бентанкур тўпиғидаги боғламни йиртган. 26 ёшли футболчининг тикланиши учун тахминан икки ярим ой вақт керак бўлади. Родригонинг майдонга қайтиши февраль ойи ўрталарида кутилмоқда.
Айни пайтда "Тоттенхэм" Англия Премьер-лигаси турнир жадвалида бешинчи ўринда бормоқда. Жамоа чемпионатдаги сўнгги учта ўйинида мағлуб бўлди.
