«Metallurg» 2023 yilgi mavsumni “Olimpik”ka qarshi uchrashuv bilan yakunlaydi.

“Olimpik” O‘zbekistonning eng yosh jamoasi. 2024 yilgi Parij Olimpiadasida yurtimiz terma jamoasining qatnashuvini ta’minlash maqsadida klub 2021 yilda tashkil etilgandi. O‘z oldiga aniq maqsad va vazifalar yuklangan mazkur klub O‘zbekistondagi eng iqtidorli futbolchilarni yig‘ib oldi va o‘ziga xos jamoaga aylandi.

2021 yilni Pro ligada o‘tkazib, uchinchi o‘rinni egallagan jamoa o‘tish uchrashuvida “Mash’al”ni dog‘da qoldirdi va Superliga klubiga aylandi. 2022 yildan kuchlilar safida qatnashib kelayotgan “Olimpik” bugunga qadar 51 ta o‘yinda maydonga tushdi: 15 ta g‘alaba, 22 ta durang, 14 ta mag‘lubiyat, to‘plar nisbati 59:59. Chempionatdagi eng yirik g‘alabasi – 5:0 (“Surxon”, 2022), eng yirik mag‘lubiyati – 0:6 (OKMK, 2022).

“Metallurg”ning “Olimpik”ka qarshi Superligada uchta uchrashuv o‘tkazgan:

26.06.2022  “Metallurg” – “Olimpik” – 0:0
02.11.2022  “Olimpik” – “Metallurg” – 2:1
26.06.2023  “Olimpik” – “Metallurg” – 1:2