«Металлург» 2023 йилги мавсумни “Олимпик”ка қарши учрашув билан якунлайди.

“Олимпик” Ўзбекистоннинг энг ёш жамоаси. 2024 йилги Париж Олимпиадасида юртимиз терма жамоасининг қатнашувини таъминлаш мақсадида клуб 2021 йилда ташкил этилганди. Ўз олдига аниқ мақсад ва вазифалар юкланган мазкур клуб Ўзбекистондаги энг иқтидорли футболчиларни йиғиб олди ва ўзига хос жамоага айланди.

2021 йилни Про лигада ўтказиб, учинчи ўринни эгаллаган жамоа ўтиш учрашувида “Машъал”ни доғда қолдирди ва Суперлига клубига айланди. 2022 йилдан кучлилар сафида қатнашиб келаётган “Олимпик” бугунга қадар 51 та ўйинда майдонга тушди: 15 та ғалаба, 22 та дуранг, 14 та мағлубият, тўплар нисбати 59:59. Чемпионатдаги энг йирик ғалабаси – 5:0 (“Сурхон”, 2022), энг йирик мағлубияти – 0:6 (ОКМК, 2022).

“Металлург”нинг “Олимпик”ка қарши Суперлигада учта учрашув ўтказган:

26.06.2022  “Металлург” – “Олимпик” – 0:0
02.11.2022  “Олимпик” – “Металлург” – 2:1
26.06.2023  “Олимпик” – “Металлург” – 1:2