"Yuventus" bosh murabbiyi Massimiliano Allegri A Seriyaning 14-turidan o‘rin olgan "Monsa"ga qarshi o‘yin arafasida chempionatning o‘ziga xos jihatlari haqida gapirdi.
"Chempionat - bu marafon, tezlik poygasi emas, shuning uchun biz o‘yindan o‘yingacha eng yaxshi ruhiy holatda bo‘lishimiz kerak. "Inter"dan atigi ikki ochko ortda qolayotganimiz g‘urur va mamnuniyat manbai, ammo biz hushyor bo‘lishimiz kerak. O‘yinning barcha jabhalarida doimiy ravishda takomillashtirib borish muhim", - dedi Allegri.
"Yuventus" va "Monsa" o‘rtasidagi uchrashuv 2 dekabr, juma kuni bo‘lib o‘tadi. O‘yin Toshkent vaqti bilan 00:45da boshlanadi. “Byankonerilar” hozirda 30 ochko bilan A Seriya turnir jadvalida ikkinchi o‘rinda bormoqda. Peshqadam “Inter”dan farq ikki ochkoga teng.
Oldinroq, Massimiliano Allegri joriy mavsum yakunida "Yuventus"ni tark etishi mumkinligi ma’lum bo‘lgandi.
