Bir qancha klublar Yevropa Ligasi pley-off bosqichiga erta yo‘l oldi.
Guruh bosqichining 5-turidan keyin ushbu turnirning pley-off bosqichining ayrim ishtirokchilari ma’lum bo‘ldi.
“Marsel” va “Brayton” Yevropa ligasining bahorgi bosqichida ishtirok etishini kafolatladi – jamoalar mos ravishda 11 va 10 ochko jamg‘argan holda “B” guruhida peshqadamlik qilmoqda.
“D” guruhidan “Atalanta” va “Sporting” jamoalari chiqdi. Italiyaliklar turnirning 1/8 finalida ishtirok etadi, portugallar bu bosqichga chiqish uchun pley-offda o‘ynaydi - Chempionlar ligasi guruhlarida 3-o‘rinni egallagan jamoalardan biri bilan to‘qnash keladi.
“Vest Xem” va “Frayburg” “A” guruhidan chiqishni kafolatladi. Bu jamoalar so‘nggi turda to‘qnash kelib, guruh g‘olibini aniqlaydi.
“F” guruhidan “Renn” va “Vilyarreal” mos ravishda 12 va 9 ochko bilan chiqishdi. Ispaniyaliklar bir o‘yin kam o‘tkazishgan.
"Bayer" "H" guruhida guruh bosqichi yakunlanishiga bir tur qolganda birinchi o‘rinni hal etdi.
“Liverpul” “E” guruhida 1-o‘rinni egalladi va bahorda Yevropa Ligasining 1/8 finalida ishtirok etadi.
Turnirning bahorgi bosqichida “Slaviya” va “Roma” ham ishtirok etadi – ular “G” guruhida dastlabki ikki o‘rinni egallab turibdi.
Eslatib o‘tamiz, “Feyenoord” va “Yang Boyz” Chempionlar ligasidan Yevropa ligasiga tushib ketishi aniq bo‘lib ulgurdi.
