Бир қанча клублар Европа Лигаси плей-офф босқичига эрта йўл олди.

Гуруҳ босқичининг 5-туридан кейин ушбу турнирнинг плей-офф босқичининг айрим иштирокчилари маълум бўлди.

“Марсель” ва “Брайтон” Европа лигасининг баҳорги босқичида иштирок этишини кафолатлади – жамоалар мос равишда 11 ва 10 очко жамғарган ҳолда “B” гуруҳида пешқадамлик қилмоқда.

“D” гуруҳидан “Аталанта” ва “Спортинг” жамоалари чиқди. Италияликлар турнирнинг 1/8 финалида иштирок этади, португаллар бу босқичга чиқиш учун плей-оффда ўйнайди - Чемпионлар лигаси гуруҳларида 3-ўринни эгаллаган жамоалардан бири билан тўқнаш келади.

“Вест Хэм” ва “Фрайбург” “А” гуруҳидан чиқишни кафолатлади. Бу жамоалар сўнгги турда тўқнаш келиб, гуруҳ ғолибини аниқлайди.

“F” гуруҳидан “Ренн” ва “Вильярреал” мос равишда 12 ва 9 очко билан чиқишди. Испанияликлар бир ўйин кам ўтказишган.

"Байер" "H" гуруҳида гуруҳ босқичи якунланишига бир тур қолганда биринчи ўринни ҳал этди.

“Ливерпуль” “E” гуруҳида 1-ўринни эгаллади ва баҳорда Европа Лигасининг 1/8 финалида иштирок этади.

Турнирнинг баҳорги босқичида “Славия” ва “Рома” ҳам иштирок этади – улар “G” гуруҳида дастлабки икки ўринни эгаллаб турибди.

Эслатиб ўтамиз, “Фейеноорд” ва “Янг Бойз” Чемпионлар лигасидан Европа лигасига тушиб кетиши аниқ бўлиб улгурди.