“Liverpul” hujumchisi Kodi Gakpo Yevropa ligasi guruh bosqichi 5-turi doirasidagi LASK ustidan qozonilgan g‘alaba (4:0) haqida fikr bildirdi.

“O‘ylaymanki, biz o‘zimizdagi sifat bilan guruhda birinchi bo‘lishimiz kerak. Yana bir o‘yin tugadimi, bilmayman, lekin guruhda birinchi o‘rinni olsak, bu yaxshi.

Biz davom etishimiz kerak, chunki mavsum uchun oldimizda katta maqsadlar bor. Biz faqat oldinga intilishimiz va iloji boricha g‘alaba qozonishimiz kerak. Yuqorida aytganimdek, jamoamizda ko‘plab futbolchilar bor va o‘ylaymanki, bu sifat bilan biz ko‘plab o‘yinlarda g‘alaba qozonishimiz mumkin", — dedi Gakpo TNT Sports bilan suhbatda.

Besh turdan keyin "Liverpul" "E" guruhida 12 ochko bilan birinchi o‘rinda bormoqda.

"Liverpul" guruhdagi so‘nggi uchrashuvni "Yunion"ga qarshi o‘tkazadi. Uchrashuv "Lotto Park-Konstant van den Stock" stadionidagi 14 dekabr kuni bo‘lib o‘tadi.