“Ливерпуль” ҳужумчиси Коди Гакпо Европа лигаси гуруҳ босқичи 5-тури доирасидаги ЛАСК устидан қозонилган ғалаба (4:0) ҳақида фикр билдирди.
“Ўйлайманки, биз ўзимиздаги сифат билан гуруҳда биринчи бўлишимиз керак. Яна бир ўйин тугадими, билмайман, лекин гуруҳда биринчи ўринни олсак, бу яхши.
Биз давом этишимиз керак, чунки мавсум учун олдимизда катта мақсадлар бор. Биз фақат олдинга интилишимиз ва иложи борича ғалаба қозонишимиз керак. Юқорида айтганимдек, жамоамизда кўплаб футболчилар бор ва ўйлайманки, бу сифат билан биз кўплаб ўйинларда ғалаба қозонишимиз мумкин", — деди Гакпо TNT Sports билан суҳбатда.
Беш турдан кейин "Ливерпуль" "Е" гуруҳида 12 очко билан биринчи ўринда бормоқда.
"Ливерпуль" гуруҳдаги сўнгги учрашувни "Юнион"га қарши ўтказади. Учрашув "Лотто Парк-Констант ван ден Стоcк" стадионидаги 14 декабрь куни бўлиб ўтади.
