"Yuventus" hujumchisi Dushan Vlaxovich Saudiya Arabistoniga o‘tish ehtimoli haqidagi savolga javob berdi.
«Men «Yuventus»da o‘zimni uydagidek his qilaman, shuning uchun ketish haqida hech o‘ylamaganman. Men dunyoning eng muhim jamoalaridan birida o‘ynayman, bundan faxrlanaman va hozir o‘zimni faqat shu yerda ko‘rmoqdaman», - deya Vlaxovichning so‘zlarini keltiradi Gazzetta dello Sport.
Joriy mavsumda 23 yoshli hujumchi Italiya chempionatining 11 ta uchrashuvida qatnashib, 5 ta gol urdi va bitta golga mualliflik qildi.
