"Roma" yarim himoyachisi Lorenso Pellegriga Angliya Premyer-ligasi vakillari qiziqish bildirmoqda.
Bu OAV 27 yoshli futbolchini "Roma"dan ketishi mumkinligi bilan bog‘lashayotgan birinchi yil emas, lekin u o‘z klubi bilan xayrlashishga shoshilmayapti. Ekrem Konurning fikricha, bu yanvar oyidayoq sodir bo‘lishi mumkin: nomlari oshkor etilmagan bir qator ingliz klublari qishki transfer oynasida italiyalik futbolchini qo‘lga kiritishni kutishmoqda. Potensial transfer qiymati 40 million yevroga baholanmoqda.
Lorenso Pellegrini joriy mavsumda “Roma”ning atigi 7 ta o‘yinida maydonga tushdi va jarohati tufayli mavsumning muhim qismini o‘tkazib yubordi. Hujumkor yarim himoyachida ikkita gol va bitta golli uzatma bor.
