"Manchester Siti"ning tayanch yarim himoyachisi Kalvin Fillips yanvar oyidagi transfer oynasida klubini o‘zgartirishi mumkin. Bu haqda 90min jurnalistlari xabar bermoqda.

Manbaga ko‘ra, yarim himoyachining yangi ish joyi "Nyukasl" bo‘lishi mumkin. "Qarg‘alar" Fillipsni Sandro Tonaliga o‘rinbosar sifatida ko‘rmoqda. Agar shartnomada futbolchini keyinchalik sotib olish bo‘yicha band bo‘lsa, "shaharliklar" Kalvinni ijaraga berishga tayyor.

Joriy mavsumda yarim himoyachi “Manchester Siti” safida 8 ta o‘yinda ishtirok etdi. Uning transfer narxi 28 million yevroga baholanmoqda.