Ruslan Malinovskiy o‘zining asosiy sifati - kuchli va aniq zarbasidan foydalanishda davom etmoqda.
A Seriyaning shanba kuni bo‘lib o‘tgan «Empoli»ga qarshi o‘yinida «Jenoa» yarim himoyachisi yana o‘tgan turdagidek jarima maydonchasi tashqarisidan gol urdi.
Malinovskiy to‘pni qabul qilib oldi va unga ikkinchi tegishida ajoyib zarba berdi.
Malinovskiy uchun bu A Seriyadagi debyutidan beri (2019 yil 25 avgust) jarima maydonchasi tashqarisidan kiritilgan 17-goldir.
Agar Yevropaning yuqori divizionlarini oladigan bo‘lsak, bu davrda faqat Leo Messi jarima maydonchasidan ko‘proq gol urdi.
Argentinalik yulduzning bunday gollari soni 23 taga yetgan, deya qayd etadi Opta.