Luis Enrike "PSJ"ning Kilian Mbappega kuchli bog‘liqligi haqidagi savolga javob berdi.
- Kilian Mbappe 17 gol bilan eng yaxshi to‘puraringiz. Jamoaning ikkinchi to‘purari hisobida to‘rtta gol bor. Ko‘proq muvozanatni xohlaysizmi?
- Men Mbappe kabi uchta hujumchi bo‘lishini, ularning har biri 17 tadan gol urishini istardim, ammo bu ilojsiz.
O‘tgan yili "PSJ" safida uchta jahon yulduzi o‘ynadi va gollar teng taqsimlandi. Hozirda ko‘plab futbolchilarimiz gol urishmoqda. Biz shunchaki Kilianga qaram emasmiz. Ha, biz unga bog‘liqmiz, ammo boshqa futbolchilar ham gol urishadi.
Agar Kilianni olib qo‘ysak, 17 ta gol uradigan boshqa o‘yinchi bo‘lmaydi. Lekin, ehtimol, bir nechtasi bo‘lar, ularning har biri 5 tadan gol urishi mumkin", - dedi "PSJ" ustozi.
Ayni damlarda "PSJ" Liga 1ning 14-turi doirasidagi “Gavr”ga qarshi bahs olib bormoqda.
