"Chelsi" bosh murabbiyi Maurisio Pochettino nega jamoasi sariq kartochkalar soni bo‘yicha Angliya Premyer-ligasida peshqadamlik qilayotganini tushuntirdi.
Eslatib o‘tamiz, bugungi "Brayton"ga qarshi o‘yinni ikkita himoyachi - Mark Kukurelya va sardor Ris Jeyms o‘tkazib yuboradi.
"Ba’zida bizda muayyan vaziyatlarni boshqarish uchun yetuklik etishmaydi. Jamoamizda APLda o‘ynagan katta tajribaga ega futbolchilar kam. Xuddi o‘sha Nikolas Jekson Angliyada Ispaniyadan farqli o‘laroq, hakamlar bilan keraksiz tortishuvlar bir zumda sariq kartochkalar bilan jazolanishiga hali ko‘nikmagan", - dedi Pochettino matbuot anjumanida.
