"Челси" бош мураббийи Маурисио Почеттино нега жамоаси сариқ карточкалар сони бўйича Англия Премьер-лигасида пешқадамлик қилаётганини тушунтирди.

Эслатиб ўтамиз, бугунги "Брайтон"га қарши ўйинни иккита ҳимоячи - Марк Кукурелья ва сардор Рис Жеймс ўтказиб юборади.

"Баъзида бизда муайян вазиятларни бошқариш учун етуклик этишмайди. Жамоамизда АПЛда ўйнаган катта тажрибага эга футболчилар кам. Худди ўша Николас Жексон Англияда Испаниядан фарқли ўлароқ, ҳакамлар билан кераксиз тортишувлар бир зумда сариқ карточкалар билан жазоланишига ҳали кўникмаган", - деди Почеттино матбуот анжуманида.