"Shtutgart" hujumchisi Seru Girassi qishki transfer oynasida karyerasini kattaroq jamoada davom ettirish imkoniyati yuqori. Jurnalist Kristian Falkning xabar berishicha, "Nyukasl"ning hujumchiga qiziqishi yanada aniqlashib bormoqda.
Shu bilan birga, manbaning qo‘shimcha qilishicha, 27 yoshli gvineyalik futbolchiga "Manchester Yunayted" ham qiziqish bildirmoqda va u ham hujumchi pozisiyasiga yaxshi darajadagi futbolchini olib kelmoqchi. Girassi yanvar oyida transfer bozorida 20 million yevro tovon puli evaziga sotib olinishi mumkin.
Girassi ayni damda Germaniya Bundesligasida ikkinchi to‘purar bo‘lib turibdi. Gvineyalik futbolchining hisobida chempionatning 11 turida 16 ta gol va 1 ta golli uzatma bor. “Bavariya” futbolchisi Xarri Keyn undan ikkita ko‘proq gol urdi.
