"Штутгарт" ҳужумчиси Серу Гирасси қишки трансфер ойнасида карьерасини каттароқ жамоада давом эттириш имконияти юқори. Журналист Кристиан Фалькнинг хабар беришича, "Ньюкасл"нинг ҳужумчига қизиқиши янада аниқлашиб бормоқда.

Шу билан бирга, манбанинг қўшимча қилишича, 27 ёшли гвинеялик футболчига "Манчестер Юнайтед" ҳам қизиқиш билдирмоқда ва у ҳам ҳужумчи позициясига яхши даражадаги футболчини олиб келмоқчи. Гирасси январь ойида трансфер бозорида 20 миллион евро товон пули эвазига сотиб олиниши мумкин.

Гирасси айни дамда Германия Бундеслигасида иккинчи тўпурар бўлиб турибди. Гвинеялик футболчининг ҳисобида чемпионатнинг 11 турида 16 та гол ва 1 та голли узатма бор. “Бавария” футболчиси Харри Кейн ундан иккита кўпроқ гол урди.