Argentinaning «Veles Sarsfild» klubi vingeri Janluka Prestianni tez orada «Benfika» futbolchisiga aylanadi.
Bu haqda jurnalist Fabrisio Romano X ijtimoiy tarmog‘ida (sobiq Tvitter) xabar berdi.
Manbaning xabariga ko‘ra, Lissabon klubi xo‘jayinlari nihoyat «Veles Sarsfild» vakillari bilan transfer borasida kelishib olishgan.
Bitim summasi 8 million yevroni tashkil etadi, yana 2 million yevro bonus sifatida to‘lanishi mumkin.
Argentina klubi futbolchining keyingi sotuvining 15 foizini oladi. Ma’lum qilinishicha, Prestianni 2024 yilning yanvarida, 18 yoshga to‘lgach, rasman «Benfika» futbolchisiga aylanadi.