Angliyaning “Liverpul” klubi qishda Italiyaning “Napoli” klubining polshalik yarim himoyachisi Pyotr Zelinskini sotib olmoqchi, deya xabar bermoqda Calciomercato nashri.
Zelinskining shartnomasi 2024 yilning yozida tugaydi va neapolliklar polshalik futbolchining moliyaviy imtiyozlari tufayli shartnomani uzaytira olishmadi. Shu boisdan ham “Liverpul” futbolchini yanvar oyida mos narxga sotib olmoqchi.
Shu bilan birga, "Inter", "Yuventus", "Lasio" va boshqa nomlari noma’lum jamoalar yozda yarim himoyachini erkin agent sifatida o‘z safiga qo‘shib olmoqchi.
Joriy mavsumda Pyotr “Napoli” safida barcha turnirlarda 19 ta o‘yin o‘tkazib, 3 ta gol va 3 ta golli uzatmaga mualliflik qilgan. Transfermarkt portali futbolchining bozor qiymati 35 million yevroga baholamoqda.
